เบราว์เซอร์ของคุณเก่าเกินไป
เพื่อให้ได้รับประสบการณ์ที่ดีขึ้นกับการออกแบบบ้านของเราโปรดดาวน์โหลดเบราเซอร์ฟรีอื่น ๆ เพียงคลิกที่ไอคอน!
Om minder elektrisiteit te gebruik beteken nie net dat jy minder gaan betaal nie, maar ook dat jy meer doen vir die omgewing, aangesien dit belangirk is om “groen” te leef deesdae. Danksy euwels soos aardverwarming het die afgelope dekade al hoe meer en meer maniere opgetower wat aan ons wys hoe om ons leefstyle een te pas en sodoende meer vriendelik teenoor natuurlike hulpbronne te wees.
Kom ons beloer ‘n paar wenke wat ons elektisiteitsverbruik en –rekening so bietjie kan laat daal…
Jip, ‘n vuil en deurmekaar spasie lyk natuurlik donkerder; dus, spring in en maak bietjie aan die kant om dinge op te helder. Jy sal verbaas wees hoe oop en lig daardie kombuis (en sitkamer en badkamer… ) gaan lyk sodra dit bietjie skoner is.
Sagte kleure soos wit, room en gryse maak ook ‘n groot verskil, aangesien dit ‘n vertrek ligter laat lyk, veral wanneer die natuurlike beligting van nommer 1 saamspeel. Terselfdertyd verseker ligte skakerings ook dat jou huis minder hitte trek, wat ook die behoefte aan konstante lugversorging verminder.
Jy hoef nie altyd ‘n lig aan te skakel nie, aangesien daar ander maniere is om ‘n vertrek op te helder. Glasmure en –deure, asook tamaai groot vensters, help beslis om minder elektrisiteit te gebruik deur die dag.
LED beligting is dalk duur om aan te skaf, maar maak beslis ‘n groot verskil aan jou elektrisiteitsrekening daarna.
‘n Spieël verdubbel als wat hy sien, wat beteken hy gaan ‘n vertrek groter en ligter laat lyk as wat dit is. Probeer spieëls naby jou beligting en ingangareas plaas om meer lig in jou vertrek te geniet.
Die gebruik van ‘n “dimmer” help nie net om minder elektrisiteit te gebruik nie, maar kan ook ‘n vertrek se atmosfeer aansienlik verander, van lig en sag tot romanties. Moet net nie vergeet om hulle heeltemal af te skakel wanneer jy gaan slaap nie!
Maak seker jou ligte verlig die korrekte areas, soos donker hoekies en werkspasies in jou kombuis en studeerkamer. Dit sal maak dat jy nie onnodig ligte aanskaf nie.
Volgende op ons lysie: Hoe om jou huis uit te brei (sonder om te veel te betaal).
