เบราว์เซอร์ของคุณเก่าเกินไป
เพื่อให้ได้รับประสบการณ์ที่ดีขึ้นกับการออกแบบบ้านของเราโปรดดาวน์โหลดเบราเซอร์ฟรีอื่น ๆ เพียงคลิกที่ไอคอน!
جب بات باورچی خانے کی ڈیزائنگ کی آتی ہے توخوبصورتی، عملیت اور فعالیت واحد حل ہے۔ باورچی خانے بنانے کا کوئی قابل ماہر آپکو یہی بات بتائے گا۔ جیسا کہ ہر چیز میں تفصیلات کو مرکزی حیثیت حاصل ہوتی ہے یہی اصول باورچی خانے میں بھی لاگو ہوتا ہے۔ اسلئے ہم نے آپ کے لئے کچھ ایسے شاندار باورچی خانے ڈھونڈھ کرلائے ہیں جن میں چھوٹی چھوٹی تفصیلات پر بھی توجہ دی گئی ہے اوروضعدار بنایا گیا ہے۔ ہم اپنے انتخاب پر کافی خوش ہیں اورہمیں یقین ہے کہ اسمیں سے آپکو اپنے باورچی خانے کی ازسرِ نو آرائش کے لئے کچھ نہ کچھ تجاویز ضرور مِل جائیں گی۔ لیکن آپ صرف ہماری بات پر دھیان نہ دیں ۔ آئیے مِل کر چند شاندار باورچی خانوں کا جائزہ لیں اور دیکھیں کہ ان میں سے کون سے عناصر آپکے باورچی خانے کو شاندار بنانے میں مدد سے سکتے ہیں۔
یہ باورچی خانہ بہت شاندار ہے صرف اسلئے نہیں کہ یہ بہت بڑا ہے بلکہ اسلئے بھی کہ اسکی آرائش میں سفید اور سیاہ رنگ کا استعمال نہایت خوبصورتی سے کیا گیا ہے۔ ہم اسکی غیر معمولی جزیات کو تفصیل سے دیکھنا چاہتے ہیں کہ ان میں سے ہمیں کیا سب سے پسند ہے۔تو آئیے تفصیلی جائزہ لیتے ہیں اور دیکھتے ہیں کہ اسکا کونسا حصہ سب سے نمایاں ہے۔
قدرتی طور پر ہم اسمیں روشنیوں کے استعمال پر بات کریں گے۔ خانہ دار الماریوں میں استعمال مدھم روشنیوں کے ساتھ نمایاں مرکزی روشنی اور چھت میں مرکوز روشنیاں، یہ سب ایک ساتھ بہت بھلی محسوس ہو رہی ہیں اور بہت ہی شاندار لگ رہی ہیں۔
اس باورچی خانے کےخمدار ڈیزائن کی وجہ سے اسکا گہرا رنگ پورے ماحول میں نمایاں ہورہا ہے اور پورے ماحول پر خوشگوار انداز میں اثرانداز ہورہا ہے۔ کونے میں رکھے خانہ دار الماری اور دراز ہمیں بہت پسند آئے ۔ یہ نا صرف خوبصورت ہیں بلکہ سٹوریج کے لئے بھی خاطر خواہ جگہ فراہم کررہے ہیں۔
کہیں کہیں سیاہ رنگ کی خانہ دار الماریوں کا استعمال ایک بہت ہی شاندار خیال تھا ۔ یہ سفید رنگ کے عناصر کے مقابلے میں ایک نہایت بھلا تجاد فراہم کررہی ہیں اور کمرے کی اونچائی میں بھی خاطرخواہ اضافہ کر رہی ہیں۔
ایک حد سے دوسری حد تک۔ ہمارا دوسرا انتخاب ایک نرم و نازک احساس والا باورچی خانہ ہے جو کہ سکینڈے نیوین ممالک میں استعمال ہونے والے طرزِ تعمیر سے متاثر ہے۔ جمسیں قدرتی لکڑی اور سفید رنگ کا استعمال کیا گیا ہے اورکوئی گہرا یا متضاد رنگ نہیں استعمال کیا گیا۔ آپکو اسکی وسعت اور گرمائش کا احساس پسند آئے گا،لیکن آیئے اسکا ذرا اور تفصیلی جائزہ لیتے ہیں۔
اس باورچی خانے کے الگ تھلگ کاؤنٹر کی تعریف سے شروعات کرتے ہیں۔ جو کہ لمبا ، کھلا ہے اورکافی کاموں کے لئے استعمال کیا جا سکتا ہے، اسمیں سٹوریج کی کافی جگہ موجود ہے، کھانا پکانا کی تیاری کے لئے کافی جگہ ہے اورتواورایک پہلے سے نصب شدہ چولہا بھی ہے۔ اسکے علاوہ یہ ناشتہ کرنے کی جگہ کے طور پر بھی استعمال ہوتا ہے ۔ جھولتی ہوئی روشنی بھی اس جگہ بہت بھلی محسوس ہو رہی ہے اور توجہ کا مرکوز بھی ہے۔
کھسکنے والے دروازے ہمیشہ ہی اچھے لگتے ہیں اور اس باورچی خانے میں تو بہت ہی اچھے لگ رہے ہیں ۔ سفید رنگ کے ساتھ لکڑی کا امتزاج بہت بھلا محسوس ہو رہا ہے اور سٹوریج کے لئے کافی جگہ بھی مہیا ہورہی ہے۔
باورچی خانے میں سٹوریج کے خفیہ خانے ہمیشہ ہی پسند کئے جاتے ہیں کیونکہ ہم نے آج تک نہیں سنا کہ کسی نے شکایت کی ہو کہ اسکے باورچی خانے میں بہت سی خانہ دار الماریاں اور درازیں ہیں۔ اوپر ہوجانے والے دورازے کے ساتھ خانہ دار الماری آپکے لئے بائے یا کافی بنانے کا سامان اور اشیاء رکھنے کے لئے استعمال ہوسکتی ہے جیسا کہ اس تصویر میں دکھایا گیا ہے۔
اگر ہم آپکو بتائیں کہ باورچی خانے کی تعمیر کےروایتی اور جدید ڈیزائن باہم استعمال کئے جا سکتے ہیں وہ بھی کسی عیب کے بغیر تاکہ ایک شاندار باورچی خانہ بن سکے جوکسی ایک سٹائل پر مبنی نہ ہو ، خوبصورت بھی ہو اور قابلِ عمل بھی تو کیا آپ ہمارا یقین کرینگے؟ آئیے اس باورچی خانے کا جائزہ لیتے ہیں ہم آپکی توجہ چند نہایت شاندار اور منفرد عناصر کی جانب مبذول کرائیں گے ، آیئے ہمارے ساتھ۔
جدید، قدیم اور متروک لکڑی کی خانہ دار الماریوں کے امتراج اور سٹیل کے برقی آلات نے اس باورچی خانے میں ایک غیر معمولی مگر خوبصورت تاثر قائم کیا ہے۔ اس کی وجہ سے یہ روایت سے بھی قریب ترین لگ رہا ہے جیسا کہ پرانے زمانے میں استعمال شدہ گول خانہ دار الماریاں استعمال کی گئی ہیں ۔ اس سے سٹوریج کی اضافی جگہ بھی مل گئی ہے۔ کام کرنے کے کاؤنٹرز میں متضاد رنگوں کا استعمال بھی ایک ایسی چیز ہے جو عموماً دیکھنے میں نہیں آتی۔
ہم یہ سمجھتے ہیں کہ روایتی چولہے کے ساتھ ساتھ پہلے سے نصب شدہ مائکروویو اوون بہت ہی منفرد خیال ہے کیونکہ اس سے نت نئے کھانے بنانے کے تجربات کرنا بہت ہی آسان ہوگیا ہے اور ساتھ ساتھ باورچی خانے میں روایت اور جدت کے استعمال کی ایک حسین مثال بھی ہے۔
اس سے پہلے کہ ہم اس باورچی خانے کی جزیات کاجائزہ لیں آئیے ایک لمحے کو کھلی اور روشن چھت والے س حسین باورچی خانے کو نظر بھر کی دیکھیں اور جی بھر کر تعریف کریں۔ اس غیر معمولی اونچائی نے اس باورچی خانےکو منفرد بنادیا ہے اور یہ روایتی باروچی خانوں سے ہٹ کر ہے ۔ اور آسمان سے آنے والی روشنی کی تو بات ہی کیا ہے۔ ہم واقعتاًمتاثر ہیں ۔ اس سے کچھ پوشیدہ عناصر کا استعمال بھی ممکن ہوگیا ہے ۔ آپ خود دیکھیں گے!
سفید اور گہرے رنگ کی لکڑی کا استعمال ایک ایسا امتزاج ہے جو کبھی پرانا نہیں ہوتا اور ہر زمانے میں پسند کیا جاتا ہے۔ خاص طور پر جب سفید رنگ کا استعمال کہیں کہیں کیا گیا ہو۔ یہ بہت ہی منفرد ہے خاص طور پر اس قسم کے روشن باورچی خانے میں مگر اسکے باوجود یہ بہت اچھا لگ رہا ہے۔ وقفے وقفے سے لگی روشنیاں بھی ایک اچھا خیال تھا کیونکہ انکی وجہ سے چھت کی اُونچائی کا بہت اچھا استعمال ہو رہا ہے۔
پہلے سے نصب شدہ سٹیل کے برقی آلات مجموعی طور پر اس باورچی خانے میں ایک توازن قائم کر رہے ہیں۔ اگربرقی آلات کے لئے سیاہ رنگ کا استعمال کیا جاتا یا روایتی چولہے لگائے جاتے تو ایک بڑا روائتی سا باورچی خانہ ہمارے سامنے آتا نہ کہ ایک منفرد اور وضعدار باورچی خانہ جو اب ہمارے سامنے ہے۔
ہمیں ہمیشہ وہ باورچی خانے اچھے لگتے ہیں کو ایک واضح اور نفیس طرزِ تعمیر کا انتخاب کرتے ہیں ۔ اس مثال میں درکار تاثر ایک روایتی اور گھریلو باروچی خانے کا تھا ، گرینائیٹ کے کاؤنٹر، کھانا کھانے کی جگہ، مخلوط خانہ دار الماریاں اور پالش شدہ لکڑی کا کھلے دل سے استعمال اس کے حصول میں مدد کر رہے ہیں۔ مگر انکے علاوہ اس باورچی خانے میں ایک ایسی تنصیب ہے جو کہ تمام توجہ اپنی جانب مبذول کرا رہی ہے۔
کیا شاندار چولہا ہے۔ یہ روایتی چولہا باورچی خانے کے سٹائل میں اضافہ کرنے میں کوئی کمی نہیں چھوڑ رہا اور دھوئیں کے اخراج کے لئے بنی چمنی بہت نفیس ہے اور پھولوں کی سجاوٹ تو سانے پہ سہاگہ ہے۔
یہ بڑا غیر معمعولی امتزاج ہے۔ لیکن جدید اور دیہی عناصر کے امتزاج سے بنا باورچی خانہ کبھی بھی متاثر کرنے میں ناکام نہیں رہتا اور ہمیشہ ایسا ہی دکھتا ہے جیسا آپ تصور کرتے ہیں۔ آپ کو جدید زمانے کی سہولتیں اور پرانے زمانے کی خوجصورتی ایک ساتھ ملتی ہے جو کہ ہمیں بہت پسند ہے۔ آیئے اس خوبصورت مثال کی چند اورتفصیلات جانتے ہیں۔
کیا عظیم الشان امتزاج ہے۔ پرانے زمانے کے سٹائل کا پلیٹیں رکھنے کا ریک آجکل کے زمانے کے حساب سے بنے کاؤنٹر، خانہ دار الماریوں اور سنہری ٹونٹیوں کے ساتھ مِل کر کیا اچھا لگ رہا ہے۔ اسکے دیہی پن میں پرانے زمانے کے حساب سے بنا سِنک بھی اضافہ کر رہا ہے۔
گھیراؤ والی خانہ دار الماری۔ واہ کیا بات ہے۔ جیسا کہ آپ دیکھ سکتے ہیں یہ آپ کے برتن رکھنے کے لئے بہترین جگہ ہے۔ آپ اپنی تمام خوبصورت کراکری اوپر سجا کر رکھ سکتے ہیں اور نیچے والے خانوں میں روزمرہ استعمال ہونے والے برتن ۔
اگر ان میں سے کوئی تجویز آپکو پسند نہیں آئی تو ہمارا یہ مضمون پڑھیں’ منفرد ڈیزائن والے باورچی خانے’
