เบราว์เซอร์ของคุณเก่าเกินไป
เพื่อให้ได้รับประสบการณ์ที่ดีขึ้นกับการออกแบบบ้านของเราโปรดดาวน์โหลดเบราเซอร์ฟรีอื่น ๆ เพียงคลิกที่ไอคอน!
ہر گھر کے مالک کا خواب ہوتا ہے کہ اس کے گھر میں بھی شاندار باغ موجود ہو۔ اور ویسے بھی آج کل خوبصورت باغ سٹیٹس سمبل بن چکا ہے۔ باغ جہاں گھر کی خوبصورتی میں اضافہ کرتا ہے وہاں اس کے مکینوں کی ذمہ داری میں بھی اضافہ کرتا ہے۔ اسے سارا سال سر سبز رکھنے کے لیے نہ صرف پیسا بلکہ وقت بھی چاہیے ہوتا ہے۔
لیکن اگر آپ کے پاس اپنے باغ کو دینے کے لیے وقت نہیں ہے اور نہ ہی یہ پتا ہے کہ اس کی دیکھ بھال کیسے کی جا سکتی ہے تو پھر آپ کے لیے یہ آئیڈیا بک بہترین رہے گی کیونکہ ہم آپ کے لیے لاۓ ہیں 15 ایسے باغات کی تصاویر جو کہ بہت خوبصورت بھی ہیں اور زیادہ دیکھ بھال نہیں مانگتے.
سبز اور براؤن رنگ کی قدرتی اشیاء کے استعمال سے آپ کے باغ کو خوبصورتی اور تازگی بھرا احساس مل جاۓ گا اور آپ کو پوری جگہ گھاس اور پودوں سے بھرنے کی ضرورت بھی نہیں پڑے گی.
گملوں کے استعمال سے نہ صرف پودوں کی دیکھ بھال آسان ہو سکتی ہے بلکہ اگر آپ کنکریٹ کی مدد سے بڑے گملے بنا دیں تو اس سے بہت با ترتیب لک بھی آ جاتی ہے۔ اس کے علاوہ آپ بازار میں موجود ہزاروں گملوں میں سے اپنی پسند کے رنگ اور انداز کا گملا چن کر اپنے باغ کو با آسانی سجا سکتے ہیں.
اگر آپ اپنے پودوں کو پانی دینا زیادہ تر بھول جاتے ہیں تو کیکٹس کے پودے آپ کے لیے بہترین ثابت ہوں گے۔ ان کو روزانہ پانی دینے کی کوئی ضرورت نہیں ہوتی.
قدرتی اشیاء سے مل کر بنے آنگن کے درمیان میں لگا ایک ہی درخت بھی کافی ہے.
اس طرح کے پوٹس میں لگے پودے آپ کے باغ کو بہت خوبصورتی دیں گے۔ یاد رکھیں اگر آپ کے پاس جگہ کم ہے تو چھوٹے سائز کے برتن استعمال کریں.
دکھنے میں یہ باغ بہت ہی پیچیدہ لگ رہا ہے مگر اس کو بنانے کا انداز نہایت تخلیقی ہے۔ مختلف مٹیریل کو ملا کر بنانے سے ہر کسی کی خصوصیت کو خوبصورتی کے ساتھ ملا کر استعمال کیا گیا ہے.
آپ کو ایک ہی طرح کے پودے لگانے کی کوئی ضرورت نہیں ہے۔ چھوٹی چھوٹی جگہوں پر الگ الگ قسم کے پودے لگائیں اور ایک خوبصورت باغ ترتیب دیں.
سادہ ہمیشہ خوبصورت ہوتا ہے۔ اس سادہ سے باغ میں دیوار کے قریب درخت لگائیں اور پیچھے دیوار پر کوئی زبردست سا آرٹ بنا دیں.
اپنے پسندیدہ پودے کو لیں، اس کے اردگرد سجاوٹ کے لیے روشنیاں لگائیں اور ایک شاندار باغ کا مزہ لیں۔ یہ انداز آپ اپنے گھر کے کسی بھی حصے میں استعمال کر سکتے ہیں.
یہ ایک اور سادہ اور اسٹائلش انداز ہے۔ اس میں آپ پتھروں کے ڈیزائن پر غور کریں، پودوں کی اقسام پر نہیں.
لکڑی جس جگہ بھی استعمال ہو ادھر خوبصورتی لے آتی ہے۔ اگر آپ کے پاس گھاس کی دیکھ بھال کرنے کا وقت نہیں تو ادھر لکڑی کا استعمال کریں اور کہیں کہیں پودے لگا دیں.
ایک اور طریقہ یہ ہے کہ سارے کونوں میں پودے لگائیں اور درمیان میں لکڑی۔ پودوں پر روشنی فوکس کریں اور اپنی شاموں اور راتوں کا مزہ لیں.
باغ کے کنٹینر بنانے آسان نہیں لیکن اگر آپ ایک دفع یہ بنوا لیں تو پھر آپ اپنی مرضی سے اپنا باغ سجا سکتے ہیں۔ مزے کی بات یہ ہے کہ اس کو بہت کم دیکھ بھال کی ضرورت ہو گی۔
اس طرح کی جگہ پورے کنبے کے لیے بہترین ہے۔ بڑے ادھر بیٹھ کر آرام کریں یا کوئی کتاب پڑھ لیں جبکہ بچے آرام سے کھیل کود کریں.
پتھر سے بنے باغ آج کل سب سے زیادہ مشہور ہیں، یہ گھاس سے بھرے باغ کی جگہ با آسانی لے رہے ہیں۔ آپ کو ان کو لگواتے وقت تھوڑا خرچہ کرنا ہو گا مگر اس کے بعد کسی دیکھ بھال کی ضرورت نہیں پڑے گی.
آنگن میں موجود باغ کے لیے 19 خیالات جو آپ کی بہت سی جگہ بچائیں گے.
